كتب: محمود محمد

حصلت “هاي ميوزيك” على نسخة من تحقيقات نيابة المقطم والخليفة الجزئية في واقعة سرقة مشغولات ذهبية من منزل والد الفنانة ميرهان حسين في منطقة المقطم.

وأنكر المتهم محمد منجي محمد، 16 سنة، عامل، سرقة منقولات من منزل حسين محمد، والد الفنانة ميرهان حسين، وبدأ يسرد ما يعرفه عن الواقعة.

وقال المتهم: «أنا الصبي بتاع أحمد واشتغلنا مع المهندس حسين، في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعدين خلصت شغل وكان معايا في الشغل أحمد وبعدها خلصنا الشغل اللي كان مطلوب مننا وطلبنا حسابنا والمهندس حسين كان سايبلنا حسابنا مع واحد جاره ولما جاره ده حاسب الأسطى أحمد وقاله أنت لك معايا 5 ألاف جنيه فقاله تمام مفيش مشكلة هاخدهم وخلي المهندس حسين يجيبلي باقي حسابك فالاسطي قال ماشي أنا جايلك ولما وصلنا مكان البيت بتاعه لقيت ناس واقفة ضربتني وشتمتني وقالتلي أن المهندس حسين بيتهمنا أنا والأسطى بالسرقة وجبلنا النجدة وخدونا على القسم وروحت لقيت محمود هناك”.

وأمام النيابة أدلى حسين محمد، 70 سنة، مهندس حر، بأقواله قائلًا: “اللي حصل أني مقيم في قطعة 7175 منطقة س بالمقطم وعندي شقة في الدور الثاني وكنت اتواصلت مع مقاول وبعتلي ثلاث عمال علشان يركبولي سيراميك في الشقة ودي الشقة بتاعة ابني اللي في الدور الأرضي بدل السيراميك اللي راكب والكلام ده كان يوم 7 فبراير 2024 وابتدوا شغل وكنت مخليهم يباتوا علشان يبقوا في الشغل وكنت سايب مفتاح الباب مع البواب علشان يفتحلهم هما الثلاثة لو خرجوا”.

وتابع: “يوم 15 فبراير سافرت دبي ولما رجعت يوم 17 فبراير، روحت بيتي لقيت ابني اللي ساكن في الدور الأرضي بيقولي أن في جزمة اتسرقت من عنده وأن مفيش حد دخل أو خرج من الشقة غير الثلاث عمال اللي اسمهم أحمد أيمن سليم، محمد منجي، جمال أشرف، وساعتها طلعت الشقة اللي في الدور الثاني علشان اتأكد من الحاجة اللي في الشقة اللي هما كانوا بيباتوا فيها لحد ما خلصوا تركيب سيراميك ولما دخلت لقيت بنتي بتقولي أن في 4 ساعات و8 خواتم وحلق و2 كوليه وسلسلة فيها جنيه ذهب، وغويشتين ذهب وحقيبة فيها متعلقات شخصية وأحذية اتسرقوا، والعمال كانوا خلصوا شغل وسافروا وبعدها كلمتهم وهما الثالثة وقولتلهم تعالولي ولما جم كلمت النجدة وروحت القسم بلغت”.

واتهم أحمد أيمن ومحمد منجي عمالا بالشقة بالسرقة وأقر المتهمون بسرقة متعلقات الفنانة أثناء عملهم بالشقة صنايعية سيراميك، ملك الفنانة لإجراء تشطيبات بها، وأنهم أخفوا المسروقات لدى صديقهم الأول «محمود»، كهربائي من نفس القرية. تم تحرير محضر وإحالتهم جميعا إلى النيابة العامة التي باشرت التحقيقات.