كتبت : مريم يعقوب
علق الفنان خالد عليش، على خبر انفصال الفنان أحمد سعد وزوجته مصممة الأزياء علياء بسيوني، قائلا:”ابقوا على بعض شوية عشان الأطفال اللي بينكم”.
كشف الفنان والإعلامي خالد عليش عن استيائه من ارتفاع نسب الطلاق في مصر خلال الفترة الأخيرة، مشيرا إلى أننا أصبحنا نعيش في استسهال بمحاولة كل طرف الاستغناء عن الآخر ذلك عبر منشورا له على حسابه الرسمي بالفيسبوك قائلا:«أنا بزعل جدًا لما بعرف خبر عن اتنين بيحصل انفصال بينهم خصوصا لو عدى على علاقتهم سنين وعشرة وبينهم أطفال.. أنا مؤمن جدًا أن الانفصال حتمي في حالة المشاكل الكبيرة والوصول لحائط مسدود ، وأما تخلص كل الحلول المتاحة ويمكن ده اللي حصل معايا في تجربة زواجي الأولى أنا مكنتش عايز انفصل بس فجأة مفيش حل غير الانفصال».
استطرد عليش حديثه مدرفا:طبعا معرفش رواية كل اتنين انفصلوا ولا إيه الأسباب ورا ده ويمكن يكونو جربوا كل الحلول وفشلوا.. بس اللي أنا شايفة إن النسبة بتزيد أوي بقى في استسهال واستغناء والحالات كترها بقى يخوف أوي احنا مبقناش باقيين على بعض ولا قادرين نستحمل بعض لا ست ولا راجل.. مش مرتاحة معاه هامشي.. مش مرتاح معاها هاجري».
اختتم حديثه قائلا: «أنا بقيت كل ما أسمع خبر انفصال بزعل جدا ومش بتكلم بس على شخصيات عامة بص حواليك هتلاقي نماذج كتير.. لو سمحت يا جماعة نستحمل بعض.. نبقى باقيين على بعض.. مهمين في حياة بعض.. مقدرين بعض.. بلاش تستسهلوا الانفصال الموضوع مؤذي جدا لكل الأطراف حتى لو مفيش أطفال ما بالك بقى لو في أطفال».
أحدث التعليقات