كتبت : مريم يعقوب
أعربت دينا مختار عن حزنها، بعد رحيل زوجها تامر فتحي، أحد المنتجين الذين لقوا مصرعهم على طريق الضبعة في حادث أليم أصاب الوسط الفني بالصدمة.
ونشرت دينا عبر حسابها الرسمي بـ«فيس بوك»، منشورًا عن زوجها المتوفي، وكتبت فيه: «وحشتني أوي وهتفضل توحشني العمر كله، يا روح قلبي لحد دلوقتي مش قادرة استوعب إنك مبقتش موجود، ولا هتصل بيك ومش هترد عليا».
وتابعت دينا: «ولا هتبعتلي رسايلك اللي كل شويه تطمن عليا وتقولي كلتي؟، نمتي كويس؟، مين هيطبطب عليا بعدك ويخاف عليا ياحبيبي؟، الناس كلها بتحبك اللي يعرفك واللي ميعرفكش سيرتك حلوة وجميلة ياحبيب قلبي».
وأضافت دينا: «وزي ماكنت بتحب الخير بيتردلك الخير هفضل عايشة على سيرتك الطيبة وروحك محوطاني ف كل مكان، سمعاك وشايفاك وحاسة بيك ف كل حتة، ربنا يرحمك ويغفرلك ويعفو عنك ويتجاوز عن سيئاتك ويجعل قبرك روضه من رياض الجنة يارب بحبك أوي ياروح الروح».
أحدث التعليقات