كتبت: مريم يعقوب
نشرت سارة ابنة الفنان الراحل نور الشريف، عبر حسابها الشخصي بموقع فيس بوك قائلة : «الحلوة منة شلبي، كلمتني من فترة صغيرة وقالتلي إنها حلمت بـ بابي حبيبي الله يرحمه، وقالتلي إنها بإذن الله هتروح الحج، وتتصدق لبابي هناك ، الحلوة من جوه قبل بره وفت اللي قالت عليه، ومن يومين لقيتها بعتالي الصورة، صك أضحية لبابي، وكانت مفاجأة جميلة منها، وفي نفس الليلة روحت لبيت بابي القديم في السيدة زينب، وقولتله على اللي عملتيه يامنة».
اختتمت سارة حديثها: «حبيبتي مش عارفة أقولك إيه، لأنه مفيش كلام يوصف إحساسي باللي انت عملتيه، ربنا يكرمك ويسعدك دايمًا، ويطمن قلبك يا طيبة يا حلوة بحبك جدًا».
يذكر أن الفنان نور الشريف، رحل عن عالمنا في 11 أغسطس عام 2015، عن عمر ناهز 69 عاما، بعدما أثرى تاريخ الفن العربي بأعمال فنية تجاوزت الـ250 عملا فنيا، بين السينما والمسرح والدراما التلفزيونية والإذاعية.
أحدث التعليقات