كتبت: مريم يعقوب

كشفت الفنانة صابرين انفصالها عن زوجها ووالد أبنائها بعد زيجة استمرت لما يقرب من 20 عاما قائلة:” لما الخبر اتنشر كان بقالي سنتين شبه منفصلة، ووقتها بعت للصحفيين على الواتساب قولتلهم أنا منفصلة من زمان بس مش بحب أدخل حياتي الشخصية إطلاقا، وأنا احترم أبو أولادي جدا وبقالنا فترة طويلة منفصلين مش خبر جديد ولكن احترموا أولادي”.

كشفت صابرين عن سر رشاقتها وخسارتها للوزن في الفترة الأخيرة فقالت: “ابتديت من بعد مسلسل ليالينا 80 ومن بعد الفترة دي شويه ابتديت بقى اعمل يعني لايف ستايل في الأكل براحة، وكمان كان فيه مساعدات خارجية، أقعدت شوية أخذ الحقن الأنسولين، ولكن وقفت بسرعة لأني خفت، لأن لازم تكون مريض سكر علشان تاخدها، انا منصحش بيها ولكن هي الصراحة جابت نتيجة معايا وبعدين استمريت لما لقيت الدنيا مشيت، وأنا مش النوع الأكيل، فالحقن ساعدتني في الحرق لأنه كان يمكن بطئ شوية عندي، فلقيت نفسي بنزل في الوزن بسرعة أوي، فاتبعت الأكل اللي كنت عليه عادي ولقيت نفسي الدنيا لذيذة واحلى صحياً وشكلاً وموضوعاً”.

تطرقت صابرين خلال حوارها عن دورها في مسلسل “مسار إجباري” الذي يعرض ضمن موسم رمضان 2024، قائلة: “أنا مرتاحة حدا مع أحمد داش وعصام عمر شباب محترمة ومعجونين بالموهبة هم مدرستين مختلفتين داش تحسه طاغي ومشرق في تمثيله، أما عصام فهو ثقيل وجواه راسي وعميق، فالاثنين عملوا كيميا كانت مفاجأة المسلسل بصراحة، هم لاقوا أوي على بعض، الجمهور صدق أنهم اخوات رغم شخصياتهم المختلفة “.

استكملت صابرين قائلة: “أكثر كلمة عجبتني من تعليق الجمهور على العمل كلمة احنا مصدقينكم، ده أهم حاجة في العمل إننا نأخذ الجمهور”.