فجرت ضحكة فتاتين خلال جنازة الفنان مصطفى درويش حالة من الجدل والغضب في صفوف عدد من الفنانين وكذلك الجمهور، بعد أن غزت صورتهما مواقع التواصل الاجتماعي.
ووثقت الصورة فتاتين يُعقتد أنهما “صحفيتين” تحت التمرين، تحملان هاتفيهما وتضحكان أثناء مراسم تشييع جنازة الراحل، على الرغم من بكاء وانهيار جميع أقاربه وأصدقائه ومن حوله حزنًا على وفاته.

 

 

ونشرت الفنانة ياسمين عبدالعزيز، الصورة المذكورة، معبرة عن استيائها الشديد تجاه ما حدث، قائلة: “عيب أوي اللي بيحصل ده”، ليتفاعل معها عدد كبير من رواد التواصل الاجتماعي، مؤكدين جميعهم رفضهم لهذا المشهد.
كما وبّخ الفنان صبري فواز الفتاتين في الصورة على ما قامتا به أثناء تشييع جنازة صديقه الراحل، وقال: “منتهى قلة الذوق”.
من جهتها، قررت نقابة الصحافيين في مصر، فتح تحقيق في الصور المتداولة على مواقع التواصل الاجتماعي، فيما أكدت شعبة المصورين الصحافيين أن هاتين الفتاتين ليستا ضمن أعضاء الشعبة، مشيرة إلى إجراء تحقيق عاجل في الواقعة، ثم إخطار مجلس نقابة الصحافيين بنتائج التحقيق.
زميلهما يكشف تفاصيل الصورة
ووسط هذه البلبلة، كشف أحد زملائهما تفاصيل الصورة، وقال: “بمناسبة صورة البنتين اللي بيضحكوا في الجنازة، تواصلت مع إحدى البنات اللي ظهروا في الصوره وكانت بتضحك وهي زميلة شغالة في مؤسسة صحفية، بداية كلامي معاها كانت منهارة تمامًا ومش قادرة تتكلم بسبب كل الكلام اللي اتقال عليها من الفنانين اللي روجوا للصورة دون معرفة تفاصيل الصورة إيه وإيه سبب ضحكهم، سألتها عن تفاصيل الصوره وايه الموقف اللي حصل وقت الصورة، ودي شهاده لله”.
وأضاف: “قالتلي أن هي كانت ماسكه موبيلين وبتصور والبلوزة اترفعت وايدها ظهرت أثناء وهي بتصور شاورت لصاحبتها اللي كانت واقفه جنبها ترفع البلوزه نظرًا لأن هي كانت ماسكة موبيلين عشان مفيش جزء من جسمها يبان، صاحبتها ابتسمت ليها وقالتها أن دا وقته يعني ؟ فـ الزميلة ردت بابتسامه وقالتها يعني أيدي تبان أو جزء من جسمي ؟ وضحكوا هما الاتنين في موقف عادي ممكن أي اتنين يمروا بيه”.
واختتم: “طيب هنرجع ونسأل هل البنات كانت بتضحك علي الشخص اللي منهار قدامهم ومش حاسسين بالموقف ؟! الاجابه لا ولكن لسوء الحظ أن هما ظهروا وتصورا.. دا كل اللي حصل ودا كلام الزميله انا مش بلوم حد انتقدهم لأن حتي أنا انتقدهم أول ما شوفت الصورة ولكن أكيد بيكون في تفاصيل وراء الصورة وأكيد لازم تتوضح، كفايه كلام عن البنات لأن حرام اللي بيتقال عليهم دا، عايز أقولكم كمان إني كلمت زميل ليها وقالي أن هي انفصلت من الشغل بعد الصورة ودي !!، دي الحقيقة قدامكم وارجعوا للفيديوهات الأول وبعد كدا احكموا عليهم، ربنا يرحمك يا مصطفى”.
يُذكر أن الفنان مصطفى درويش توفي بشكل مفاجئ أمس الاثنين عن عمر ناهز الـ 43 عامًا، نتيجة إصابته بسكتة قلبية.