كتبت :أميرة خالد

كشفت الفنانة مروة عبدالمنعم لجمهورها ومتابعيها، عن كواليس أزمتها الصحية التي تعرضت لها خلال الفترة الماضية، أدت إلى ارتدائها باروكة بعد فقدانها جزءًا كبيرًا من شعرها.

 

ونشرت مروة عبدالمنعم عدة صور لها كشفت من خلالها فقدانها لجزء من شعر رأسها، عبر حسابها الرسمي بموقع التواصل الإجتماعى «فيسبوك»، وعلقت قائلة: «وأخيرًا إفراج نهائي من الباروكة، بعد دوامه نفسيه سيئة جدًا دخلت فيها ..وصلتني لـ70 كيلو وسقوط شعري بالشكل ده ..اتضطريت ألبس فيها الباروكة..وواحده واحده بدأت أفوق بفضل ربنا وأرجع لوزني وشكلي …لكن فضل شعري في الأزمه..وطبعا هو ماتعالجش بنسبه 100 في الميه ..بس أخدت الأمر بالإفراج عنه وتكملة العلاج عادي».

وأضافت: «انا كان فيه ناس كتير بتقعد تقولي انتي لابسه باروكه ليه ..شكلك مش،حلو فيها ..بس ماكنتش عايزه اقول وقتها ولا عايزه أتكلم.. بس كان الكلام بيوجعني قوي ويزعلني على نفسي جدا، الخلاصه ياجماعه ..محدش ينقد حد على شكله ..محدش عارف جوه الكواليس فيه ايه».

وتابعت: «لاش نقد وتعليقات …دلوقتي انا أقدر أقول وأتكلم ولا أخجل، انا مريت بأزمه نفسيه كانت صعبه عليا جدا ..عمري ماكنت اتخيل أن الوجع النفسي ممكن يدمر بالشكل ده ..لحد ماعشته وجربته، بس اللي كان بيوجع أكتر هو تدخل الناس في شكلي ولبسي للباروكه ..أنا عايزه أقولكم انا أكتر انسانه في الدنيا لا ليا في ميكب ولا، باروكه ولا أي حاجه صناعي ..وكون فكرة إني اربط حياتي بباروكه كنت بتخنق وبموت منها ..فمكنش ناقص تعليقات كمان».

 

واختتمت: «دلوقتي أقدر أقول لكل الناس اللي قالتلي انتي لابسه باروكه ليه ..اتفضلوا حضراتكم الصوره تتحدث عن نفسها».