كتبت :أميرة خالد
شاركت الفنانة وفاء عامر جمهورها بمقطع فيديو جديد عبر صفحتها الشخصية على موقع التواصل الاجتماعي «فيسبوك»، حيث تحدثت عن خطورة وسائل التواصل الاجتماعي.
ونصحت الفنانة وفاء عامر جمهورها بعدم القسوة، مؤكدة أهمية الحب والتراحم، وطلبت منهم مراعاة الله في أفعالهم، قائلة: «بلاش تبقوا جلادين، بلاش تبقوا قاسين، بلاش تبقى قلوبكم قاسية، حبوا بعض، خافوا على بعض، واسألوا على بعض«.
وتابعت: «واعرفوا النهاردة حياة ودنيا بكره آخرة هتعملوا إيه بقى مع ربنا ياريت نساعد بعض ياريت منقفش قدام بعض ياريت منبقاش قاسين أوي على بعض أنا بكلمكوا من التصوير جه على دماغي إن أنا أقول الكلمتين دول لأن بجد شيء صعب جدًا جدًا لما نبص نلاقي الناس عمالة تأسفن تأسفن طب وبعدين الدنيا مش مستاهلة».
وأضافت: «أول ما واحد يقولك أنا سمعت يا جماعة بطلوا حكاية أنا سمعت وقالوا وقولنا وقولنالهم وهنقول أصل فلان قالي أصل فلان سمع إيه يا جماعة في إيه لازم يبقى في برهان لازم نبقى شايفين بعينينا السوشيال ميديا دي من أسخف الحاجات اللي دخلت حياتنا».
واستكملت: «ده وصل إن أهلي بيتي بصحى من النوم بيقولولي يا حول الله يا رب فلانة الفلانية دخلت في غيبوبة وبنتها خدت فلوسها إيه ده بيحصل في بيتي أنا بيحصل عندي أنا، أنا بجد حقيقي كنت اتمنى إن مطلعش بالعصبية دي اقولكوا متصدقوش أي حاجة ولا حتى أنا اكتبها على صفحتي على السوشيال ميديا».
أحدث التعليقات