كتبت : أميرة خالد
انتشر مقطع فيديو للفنانة ياسمين صبري من حفل زفاف الفنانة بتول الحداد والمنتج مصطفى الغزولي، وهي تتجاهل التقاط صورة تذكارية مع البلوجر آمال أبوالمجد، وهو ماجعلها تتصدر منصات التواصل الاجتماعي مؤخرا.
هل تجاهلت ياسمين صبري البلوجر آمال أبوالمجد؟
![إطلالة جديدة للفنانة ياسمين صبري - صورة أرشيفية](https://i0.wp.com/mediaaws.almasryalyoum.com/news/large/2024/07/18/2441646_0.jpg?resize=250%2C170&ssl=1)
ظهرت الفنانة ياسمين صبري وهي تتجاهل البلوجر الشهيرة آمال أبوالمجد مرتين، بعد طلب الأخيرة التقاط صورة تذكارية معها، رغم ترحيبها بالتقاط الصورة.
الجمهور يدافع عن ياسمين صبري ..والبلوجر آمال أبوالمجد تعلق
![ياسمين صبري - صورة أرشيفية](https://i0.wp.com/mediaaws.almasryalyoum.com/news/large/2024/05/29/2405972_0.png?resize=250%2C170&ssl=1)
وتداول رواد مواقع التواصل الاجتماعي الفيديو بشكل كبير والبعض دافع عن ياسمين صبري وإنها لم ترفض إلتقاط الصورة معها لكن تجاهلتها دون قصد بسبب الازدحام حولها، كما رأى آخرون أنها تعمدت تجاهل البلوجر في المرتين.
وخرجت البلوجر آمال أبوالمجد للتعليق على الواقعة حيث دافعت عن الفنانة ياسمين صبري قالت في مقطع فيديو نشرته عبر حسابها على «تيك توك»: «أنا كنت في فرح بتول صاحبتي وكان في ناس كتير مشاهير، كذا حد بيقولي إن أنا شبه ياسمين صبري، وأنا مش مصدقة الموضوع ده أنا لما شوفتها قدامي حبيت أتصورمعاها عشان أوريكوا إن أنا شبها ولا مش شبهها، بحكم إن أنا يعني شخص معروف».
وأضافت: «طلبت أتصور معاها في القاعة وهي رحبت جدًا ووافقت، بس كان فيه حد عمال يشدها تطلع برة وكان موجود في الفرح ده شخصيات تانية معروفة، زي مي عز الدين وإيمان العاصي واتصوروا معايا عادي، وإيمان العاصي اتصورت معايا وقالتلي ربنا يوفقك حد عسل جدا، وشوية كنت مروحة خلاص لقيتها تحت عند البوابة ملمومين عليها قولتلها أنا اللي كنت هتصور معاكي فوق، وقالتلي آه يلا نتصور، رحت ماسكة الموبيل ومتصورة معاها راحت اتصورت مع حد تاني واتصلت بالسواق، روحت أنا واخدة بعضي ومشيت، تصرف طبيعي جدًا».
آمال أبوالمجد: ياسمين صبري تصرفت تصرف عادي
وتابعت: «أنا مش فاهمة الناس حطوا أقاويل كده وكلام كتير بحكم إني شخصية معروفة وهي شخصية معروفة، وبحكم أن كان فيه صحفيين كتير فده طبيعي ينزل على الميديا وخصوصًا الصوت والكلام واضح جدا، فيه ناس زعلانة عشاني ومتضايقين لي، فأنا عايزة أقولكم لا يا جماعة هي شخصية جميلة بس كانت في موقف صعب معهاش حد الناس ملمومة حواليها فعادي، وأنا أخدت الموضوع عادي جدا، انتوا ليه مش واخدينه عادي زيي، متزعلوش منها أنا طالعة أصالحكم عليها، هي اتصرفت تصرف عادي وأنا أخدتوا عادي، وأتمنى تخدوه عادي».
@amaalaboalmgd
لسه صاحيه من النوم لقيت فيديو مبعوتلي ❌
آخر أعمال ياسمين صبري
مسلسل «رحيل» من بطولة ياسمين صبري وأحمد صلاح حسني ومحمد كيلاني وأحمد بدير وأحمد صيام والعديد من النجوم، وهو من تأليف محمد عبدالمعطي وباسم حسين وإخراج محمد عبدالسلام.
المسلسل يدور في إطار من الإثارة والدراما حول «رحيل» التي انقلبت حياتها رأسًا على عقب وتخرج من السجن موصومة بجريمة القتل، لتواجه غضب الانتقام وشبح الموت على يد أبناء القتيل، وماذا سوف تختار: العيش والمواجهة أم الابتعاد والرحيل، وأي ثمن ستدفع لاختياراتها؟.
أحدث التعليقات