كتبت: ريهام محمد
تحدث الفنان أمير كرارة عن هجوم الجمهور على الفنانين على مواقع التواصل الاجتماعي أثناء حلوله ضيفا ببرنامج “حبر سري” مع الإعلامية أسما إبراهيم.
قال أمير كرارة: “أنا بزعل قوي لما بشوف حد بيشتم فنان. هو انتوا ليه بتشتمونا؟ احنا بنشتغل عشانكم وببقى مستني إنكم تتبسطوا وتقولولي مبروك. لو مبتحبنيش متتفرجش عليا”.
وأضاف أمير كرارة: ” ناس كتير من اللي بيشتموك عالسوشيال ميديا بيشوفوك في الشارع يجروا يتصوروا معاك. لو انت مبتحبنيش متتفرجش عليا، لو حاجة معجبتكش متشتمش الممثلين وخليك لطيف، قولي متعملش كدة تاني”.
وتابع أمير كرارة: ” متشتمش الممثلة المحترمة اللي ابنها ممكن يشوف الكلام دة عالسوشيال ميديا. انت مش هتحب ابنك يشوفك بتتشتم. خلي في احترام بيننا”.
يشارك أمير كرارة في الموسم الرمضاني بمسلسل “بيت الرفاعي” من تأليف بيتر ميمي وإخراج أحمد نادر جلال، ويشارك في البطولة ميرنا جميل وأحمد رزق ومحمد لطفي ويعرض على قناة أون الساعة 9 مساء وأون دراما الساعة 12 صباحا وأون إي 1:30 صباحا.
أحدث التعليقات