كشفت الفنانة هالة صدقي عن تعرضها لسلسة من الحوادث المأساوية، كان آخرها تحطم إطار سيارتها ما هدد حياتها، وقالت إن الكوارث المتتالية بدأت فور عرض الإعلان التشويقي لمسلسلها الجديد “جعفر العمدة” المقرر عرضه ضمن المسلسلات المصرية لموسم رمضان 2023، من بطولة النجوم محمد رمضان وزينة ومي كساب وإيمان العاصي.
هالة نشرت مقطع فيديو يظهر إطار السيارة الذي تحطم بدون سبب مقنع، وعلقت عليه عبر حسابها الرسمي على موقع إنستجرام قائلة: “حبايب قلبي بعض المواقع اتريقت لما عملت بوست وقلت اننا بنتعب واننا ممكن حياتنا تروح بسبب صعوبة شغلنا ومواعيدها، وطبعا السواد الأكبر ان ربنا لم يعطيهم نعمة الرضا بل ابتلاهم بأنهم يبصوا لرزق غيرهم وأنهم يضيعوا وقتهم ومجهودهم في الحقد على الغير”.

 

 

وتابعت :” وطبعا زي ما شفتوا كاوتش عربيتي من غير مناسبة واحتراق كل مواتير الكهرباء في بيتي، وظهور غراب علي شرفتي كل يوم، غير حاجات كتير، وكل ده بعد نزول البرومو بتاع مسلسلي جعفر العمده، بشكرهم لحسدهم لأني كده اطمنت ان شاء الله المسلسل يعجبكم ودعوة صافية، كل اللي بيحسد ربنا يكرمه بكل مصائبنا”.

هالة صدقي: أنا مليش مستقبل ولا ضمان ولا تأمين ولا معاش

وسبق أن حاولت هالة صدقي تغيير تصور الجمهور عن حياة نجوم الفن، وتخيل أنهم جميعا ينعمون بالثروة والشهرة وقالت: أحضر لمشروع بعيد عن الفن بعمل كافيه لأن الحكاية اختلفت، في صفحة اتقلبت جامد والحقيقة لما بيجيلي حد من أصحابي بيبقى عايز يدخل معهد التمثيل، بنصحهم إنه لا، لأن في صفحة اتقلبت لو ولادي هقولهم لا، لأن أنا مليش مستقبل ولا ضمان ولا تأمين ولا معاش”.
أضافت خلال مؤتمر صحفي بمناسبة تكريمها مؤخراً في مهرجان الأقصر للسينما الأفريقية، في دورته ال١٢: “لو أي فنان حصله أي حاجة في أي وقت خلاص اتركن وقعد، لو أي فنان عمل أي غلطة في حياته الناس بتقفل منه، الفنان عامل زي لعيب الكورة اللى لو اتخبط خبطة، حياته خلاص اتدمرت”.
تابعت: “بشوف الناس الكبار القدام بتوعنا كلهم اتوفوا وهما معندهمش أي وسيط مادى، وأولادهم بتدور علشان حد يتكفل بيهم عشان صحتهم ومستشفياتهم، الحقيقة أنا بشفق جدا على كل زملائي، وكمان الفنان عنده عزة نفس وكرامة بعد ما كان نجم إزاى هيطلب مساعدة، أو هينزل يعمل إيه، هينزل يعمل دور صغير”.
واستكملت هالة صدقى:” الفترة اللي فاتت الصفحة اللي اتقلبت علينا دي أنا ادعى إنى صديقتهم كلهم، في ناس كتير زملاء تعبانين ومبيشتغلوش وقاعدين في البيت، عندنا أهم الكتاب والمخرجين قاعدين في البيت، أنا مش ضد الشباب ولكن فين الكتاب الكبار، هيصرف على ولاده ونفسه إزاي، وأنصح أي فنان يعمل مشروع غير الفن”.