جيهان الشماشرجي: كانوا بيتنمروا عليا في المدرسة ومسميني «أبو الهول»
استعادت الفنانة جيهان الشماشرجي ذكريات طفولتها وكشفت عن تعرضها للتنمر في المدرسة خاصة عندما أطلق البعض عليها لقب «أبو الهول».وقالت جيهان الشماشرجي خلال لقائها في برنامج «صاحبة السعادة» مع إسعاد يونس: «مكنتش بتكلم ولا بنطق أنا كنت طفلة خجولة لدرجة مش عارفين صوتي وكانوا بيتنمروا عليا في المدرسة ومسميني «أبو الهول» بس كأدوات تعبير كنت طول الوقت برسم وأعمل حاجات بالطينة والخشب، مشاعري كانت بتروح للحتة دي، مكنتش معبرة بالكلام كنت بتكسف ولوحدي طول الوقت».وتابعت جيهان الشماشرجي: «في أولى ثانوية في حاجة حصلت معرفش إيه واتغيرت وبقيت مشاغبة جدا، يمكن بيني وبين نفسي قلت مش هينفع أفضل كده، مش قادرة افتكر إيه السبب، يمكن كان في «شلة» معينة في المدرسة كانوا بيتنمروا عليا ومشيوا من المدرسة وبقى الموجودين الطيبين بس».وخلال الحلقة تحدثت جيهان الشماشرجي عن مسلسل «إخواتي» الذي شاركت به في موسم رمصان 2025 ووصفته بالعلامة فارقة في حياتها العملية.وقالت: «اتعملت مع المسلسل ما أحكمش على نفسي وأنا بتعلم، التجربة كلها كانت رحلة تعلم في الشغل، إزاي أبني الشخصية وأركز في التفاصيل».أوضحت جيهان الشماشرجي أنها استفادت من قيادة المخرج محمد شاكر خضير للعمل قائلة: «أستاذ شاكر له فضل كبير عليا أوي، إتعلمت منه حاجات كتير، إن مش مهم الكلام في المشهد، ممكن نعمل مشهد بحاله وأنا ساكتة، ولو حاسة الموقف هيبان في وشي ونفسي».يذكر أن مسلسل «إخواتي» يشارك في بطولته كل من نيللي كريم، روبي، كندة علوش، جيهان الشماشرجي، حاتم صلاح، نبيل عيسى، على صبحي، إسلام حافظ، وغيرهم من الفنانين، وهو من إخراج محمد شاكر خضير، وتأليف مهاب طارق وإنتاج شركة «ميديا هب- سعدي جوهر».
