دخل فتحى نجل الفنان مصطفى كامل نقيب المهن الموسيقية على خط الأزمة التي يواجهها والده بعد موجة الانتقادات التى طالته على خلفية تداول مقطع فيديو قديم اعتبره البعض مسيئًا لمحافظة الشرقية  مؤكدًا أن حديثه كان يتعلق بأمور نقابية ولم يكن موجهًا إلى أهالى المحافظة.

كتب فتحي مصطفى كامل عبر حسابه الشخصي بالفيسبوك:" حسبي الله ونعم الوكيل في كل شخص بيأذي وبيقول كلمة عشان يبان ملاك قدام الناس، وناسي إن في ربنا شايف وشاهد على كل شيء”.

استكمل فتحي حديثه:" حسبي الله ونعم الوكيل فى كل شخص عارف أن مصطفى كامل مغلطش فى حد وكلامه كله واضح بالنص انه على أمور نقابية ومخالفات، ومقالش حرف واحد على محافظة الشرقية”.

تابع فتحي حديثه:" الڤيديو متصور فى 2022، فأيه السبب أنه يظهر دلوقتى عشان مش عارفين تمسكوا عليه غلطة ولا سرقة؟ الڤيديو ظهر عشان هو راجل شغال بما يرضى الله وبيخاف ربنا فى مال الغلابة؟".

استرسل فتحي حديثه:" الڤيديو نزل عشان انتو عايزيين النقابة عزبة زى الأول والموسيقيين الوحيدة اللى متضررة؟ ومع ذالك طلع واعتذر على حاجة هو معملهاش وقال انا بعتذر للناس كلها اللى ممكن تكون فهمت كلامى غلط،إحنا بشر وبنحس كتير أوى أوى أوى 3 أيام شتيمة وكلام متقالش كل ده لمصلحة مين؟ حسبى الله تانى وتالت بس ربنا قادر على كل شئ وربنا كبير".

أنهى فتحي حديثه:" وتانى وتالت ورابع بنعتذر لكل شخص فى محافظة الشرقية فهم الكلام غلط والله العظيم الڤيديو واضح وضوح الشمس انه يخص جزء معين ولا يشمل من أصغر شخص فى الشرقية لأكبر شخص".