أثار مشهد ضرب الفنان أحمد زاهر لابنته ملك، ضمن أحداث الحلقة التاسعة من مسلسل سيد الناس والذي عرض ضمن السباق الرمضاني 2025 جدلا واسعا.

حكى أحمد زاهر عن المشهد قائلا:" شخصية "الجباس" إنسان معقد فإنه يتفضح قدام المنطقة كلها بالشكل دا محمد سامي قالي المشهد لازم يتصدق متقوليش دي بنتي وهطبطب عليها، لازم يبقى حقيقي وواقعين الضرب كله كان بجد مكنش فيه أي تمثيل على الإطلاق".

تابع أحمد زاهر: "وأنا داخل أصور المشهد كنت بترعش وخايف أنا عمري في حياتي ما مديت إيدي على بنت من بناتي، لكن لما اتقال أكشن تحولت لفاروق الجباس ونسيت أن اللي قدامي بنتي وضربتها بجد، وقف التصوير نافورة عياط مني ومنها وحضنتها وقعدت أطبطب عليها وكان موضوع مؤثر جدا".

استطرد زاهر حديثه:" فجأة قالوا نصور المشهد من زاوية تانية اعترضت في الأول لكن قالوا مينفعش، عشان أعيد مرة تاني بنفس الضرب والأداء كنت بموت من جوا، وهي ضهرها كله كان معلم أزرق وقعدت 3 أيام مش قادر أبص لها وكنت مش قادر أتخيل أني مديت إيدي عليها".

قدم الفنان أحمد زاهر، اعتذار لابنته ملك زاهر بنشره صور للمشهد عبر حسابه الشخصي بالفيسبوك و علق قائلاً:"أنا اسف يا حبيبتي حقك عليا يا ملوكتي بس المشهد عاوز كده سامحيني والنبي أنا كأحمد زاهر اسف جدا بس كافاروق الجباس ها أنحرك واعلق رقبتك على باب المحل".

ردّت عليه  ملك قائلة: "مش قابلة الأسف لأ".

يشارك في بطولة العمل إلى جانب عمرو سعد وأحمد زاهر، كل من خالد الصاوي، إلهام شاهين، منة فضالي، أحمد فهيم، رنا رئيس، نشوى مصطفى، وعماد زيادة، وهو من تأليف وإخراج محمد سامي.