تحدثت الإعلامية سهير جودة عن الجدل المثار حول حفل زفاف دينا هشام، ابنة الدكتورة هبة قطب، مؤكدة أن ما حدث يكشف عن ظاهرة خطيرة تتمثل في التنمر والتدخل المفرط في شئون الآخرين وهو أمر غير إنساني.

صرحت جودة في برنامجها قائلة:" الكثيرين صاروا يندفعون وراء الانتقاد لمجرد اختلاف الرأي، رغم إمكانية تجاهل أي محتوى لا يروق لهم، الفرح مش عاجبني مش لازم أشوف الفيديو وأشيره وأكتب تعليق ".

استطردت جودة حديثها:" دي شخصيتها، ودي بنوتة ومن حقها تفرح بالطريقة اللي تعجبها، ومش لازم الناس تبقى نسخة واحدة، ولا لازم نطبّق قيمنا وسلوكياتنا على كل الناس".

تابعت جودة حديثها:" الناس بقت تركب اللقطة عشان تبقى موجودة في الصورة، وده بيخلي مشاعر الناس وخصوصياتهم وسيلة لجذب الانتباه".

أنهت جودة حديثها :" مينفعش ندي نفسنا الحق إننا نتكلم عن الناس ولا نسب ولا نقذف وضع مش عاجبنا، لأن دي جرائم يعاقب عليها القانون.. امتى هنبطل نأذي غيرنا بالكلمة القاسية؟".