حكت الفنانة ميمي جمال موقف مع الفنانة الراحلة ماري منيب و ذلك خلال استضافتها في إحدى البرامج التلفزيونية.

قالت الفنانة ميمي جمال:" أول ما اشتغلت كنت في فرق التليفزيون، وطلبوني في مسرح الرحاب بعدها، وكانت الممثلات اللي كانوا بيعملوا أولاد ماري منيب كبروا شوية، وأنا رحت متحمسة، لكن مفيش حد بيعمل معايا بروفات غير الملقن ومدير المسرح، والست ماري مش بتيجي غير في العرض، وبعد ما حفظت المشهد ورحت أديته نادت على مدير المسرح وقالتله البنت دي ماتجيش هنا بكرة".

استطردت جمال قائلة:" لقيت مدير المسرح جالي وقالي الست ماري زعلانة ليه، قلتله ماعرفش.. وخفت جدا ودخلت قلتلها أنا غلط في إيه.. قالتلي انتي حولتيني، أنا لما بمثل على المسرح بنتي قاعدة جنبي، مش رايحه جايه.. قلتلها بصي مسمار وتدقي وانا قاعدة مش هقوم من جنبك، وعيطت من يومها لأن صعب عليا نفسي جدا، لأن حد يقولي امشي من أول مرة صعبة، ولكن اتعلمت منها كتير بعد كده،أنا اشتغلت مع ناس كتير على المسرح واتعلمت منهم كتير".

أكدت ميمي أن تلك التجربة كانت درسًا مهمًا لها في احترام قواعد العمل المسرحي، فقد تعلمت منها أهمية فهم ديناميكية العروض والالتزام بقواعد الكواليس.

يذكر أن ميمي جمال شاركت في أكثر من عمل في رمضان 2025 من بينهم "العتاولة 2" و"كامل العدد ++" و"الحلانجي" و"الكابتن".