حل الفنان عصام السقا ضيفا عبر برنامج الراديو بيضحك المعروض على الراديو 9090، تقديم الإعلامية فاطمة مصطفى، و كشف عن مشاركته مع كل من الفنان تامر حسني و الفنان احمد العوضي.

قال الفنان عصام السقا عن الفنان تامر حسني :" تامر بالنسبة لي أيقونة، من بداياتي بحب قصة نجاح وصعود تامر حسني، قصة مؤثرة جدا، تامر اتحارب بكل الطرق إنه مايظهرش حرب تحاربيها لجبل وكمل، وطول الوقت بتعلم منه".

كشف الفنان عصام السقا عن تفاصيل دوره في فيلم "ريستارت":" ريستارت من الشخصيات اللي أنا متحمس لها جدا، ومش شبه أي حاجة اتعملت، عامل شخصية بنهاوي، مهندس كابلات بحرية، ومكنتش أعرف إن في حاجة اسمها مهندس كابلات بحرية، وقعدت أذاكر الموضوع ده".

استطرد السقا بحديثه عن الفنان احمد العوضي حيث قال:"بالنسبة للعوضي فنان شخص وطيب جدا..و بيحافظ على إن كل الناس في العمل اللي بيقدم بطولته تكون أدوارهم متساوية مؤثرة.. ومعندهوش حتة الأنا بتتاعة أنا النجم.. ودا بنشوفه مع فنانين تانين..و العوضي عايز كل الناس تنجح في العمل.. ودا شوفته معاه بعد ما اشتغلنا في مسلسل فهد البطل وفيلم الإسكندراني".

مسلسل «فهد البطل»، من بطولة أحمد العوضي،أحمد عبدالعزيز،كارولين عزمي،ميرنا نور الدين،و من تأليف محمود حمدان وإخراج محمد عبدالسلام .

يذكر أن فيلم "ريستارت" من المقرر طرحه في السينمات بتاريخ 29 مايو المقبل، و هو من تأليف أيمن بهجت قمر وإخراج سارة وفيق وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.