كتبت الفنانة رنا سماحة عبر خاصية القصص المصوّرة الملحقة بحسابها الخاص في "انستجرام" منشوراً تحدثت فيه عن تعرضها للاضطهاد والمقاطعة من بعض الشباب الذين يعملون مع طليقها الملحن سامر أبو طالب حتى لا تجد أعمالاً فنية تقدّمها.


قالت سماحه:" الموضة الجديدة بقى مجموعة من الفنانين المبدعين الشباب قرروا يعملولي مقاطعة ظاهرية وميشتغلوش معايا عشان هم أصحاب الـX، على أساس إني هاقعد في البيت ومش هلاقي حد أشتغل معاه بقى".

تابعت رنا حديثها:" طيب ياريت لو أنت منهم وبتقرا الستوري تشيل نفسك من عندي ومتبعتليش برايفت بقى... طالما راجل وصاحبك وبتاع ومتتعاملش معايا إنسانياً خالص وأعتقد ده أولى... مش كده ولا إيه؟؟... أصل ده لما بيحصل في الشغل بلاش أقولك بنقول عليكوا إيه... ماليش في الحروب المستخبّية دي خالص أنا أرجل من كده بكتير".

قامت الفنانة راندا البحيري بنشر منشور سماحة عبر حسابها الشخصي و كتبت :" ستوري نزلتها صديقتي المحترمة المطربة رنا سماحة... عايزة أقولك إني حاسة بيكي جداً... أنا حصلي نفس اللي بيحصلك وبجد شوفت بلاوي وقابلت ناس جبانة كتير جداً... وناس تانية يعملوا حساب للي عربيته أحسن وناس تالتة يعملوا حساب للي باباه معاه فلوس في البنك أكتر، حاجة يعني كانت افتراء مش طبيعي... حسبي الله ونِعم الوكيل وإن شاء الله ربنا هيجيبلك حقك كله".

تجدر الإشارة إلى أن هذه ليست المرة الأولى التي تثير فيها رنا سماحة الجدل بتصريحاتها أو حياتها الخاصة، إذ لا تزال تفاصيل انفصالها ومطالبها القضائية تتصدر اهتمامات جمهورها.