ردت الفنانة المصرية ريم مصطفى على أنباء زواجها بنجم ليفربول الإنجليزي محمد صلاح التي انتشرت بشدة خلال الأشهر الأخيرة.

قالت ريم مصطفى:" في إشاعة دي اللي بحبها أوي مع حبيبي محمد صلاح قالوا إني اتجوزته، ودي مكنتش أعرفها والله عمري ما شوفته في الحقيقة".

تطرقت ريم أيضا حول شائعة ارتباط اسمها بالتسبب بالانفصال بين صولا و طارق العريان قائلة:" اصالة حبيبتى وكل الشائعات اللى طلعت علينا مش حقيقية وتزعلنى لما تكون جايه فى حد اعرفه، وقابلت اصالة وهى عارفه حقيقة الاشاعة وبتبقى مش حاجة كويسة وبنتها شام صحبتى جدا وكانت أول شائعة تطلع عليا ووترتني".

كشفت الفنانة ريم مصطفى تفاصيل مرورها بتجربة عاطفية "توكسيك" حيث قالت:" أنا ممكن أعمل كتاب في العلاقة التوكسيك، مريت بعلاقة توكسيك بس مش أبو ولادي، والمشكلة إنها أخدت سنين".

أوضحت ريم مصطفى كيف اكتشفت أنها في علاقة غير صحية قائلة: "لما تلاقي نفسك في علاقة غير صحية مع شخص نرجسي، وتلاقي نفسك قاعدة فيها وقت طويل جدا، وإنت عارفة إنها غير صحية،دايما هتلاقي معندوش ثقة في نفسه ويجيبها فيكي، وطول الوقت يتهمك اتهامات مش إنت، وطول الوقت عايزة تبرري نفسك،أنا الحمد لله تحقيق نفسي وشغلي أول حاجة، لو مكانش عندي الجزئية دي يمكن مكنتش عرفت أخرج".

أشارت ريم مصطفى إلى أنها تتجنب هذا النوع من العلاقات قائلة: "أنا مش عايزة أخش تجارب فاشلة أو مؤقتة، الحمد لله محققة لنفسي حياة تخليني عايشة مرتاحة، يا إما حد يضيف سعادة يا إما خليك في بيتك يا بابا وسيبني في بيتي، مش عايزة حد بمشاكله لإني مش دكتور نفساني".