قامت الفنانة هيدي كرم بتوجيه رسالة قوية للفتيات والسيدات، شجعتهم فيها على الظهور دون مساحيق تجميل.

شاركت كرم فيديو عبر حسابها الشخصي بانستجرام و قالت:"  تعبت أوي من فكرة الفيك على السوشيال ميديا، ومن فكرة إننا لازم نطلع على السوشيال ميديا معندناش حبوب ولا نمش في وشنا، ونفسي نطلع طبيعيين".

استكملت كرم حديثها:" إحنا بني آدامين عندنا نمش وعيوب ومشاكل وحبوب وتجاعيد، ونفسي نتقبل عيوبنا ونتصالح معاها، وأنا مش ضد عمليات التجميل، ولكن بحب الحاجات اللي تخليني شكلي فريش أكتر، ومش كلنا عندنا دريسينج روم رهيبة وشنط وجزم، وإضاءة رهيبة، بقى لبسنا كتير أوي مرة واحدة، ومع كل هذه الإحباطات من جمال البنات على السوشيال ميديا كأنهم مفيهمش غلطة، وفي وسط كل هذه الاحباطات من الشعر والاكسسوارات، والهدوم الكتير والتريندي، وعملنا إحباط لبعض غير طبيعي، وأصبح عندنا عدم رضا".

أنهت هيدي حديثها:" وحاسين طول الوقت إننا ناقصنا حاجة عشان مش عندنا كل المحتويات اللي على السوشيال ميديا، وأنا تعبت وناس كتير أوي تعبت، وأنا قررت أشجعكم وأشجع نفسي وأشجع الجميع، إننا نرجع للطبيعي والحقيقي، ونحسس بعض إننا شبه بعض، ونرجح لحياتنا الطبيعية ونحسس بعض إن مفيش حد أحسن من حد".

يذكر  إن هيدي كرم شاركت في بطولة مسلسل "وتر حساس" بجانب صبا مبارك، محمد علاء، إنجي المقدم، هيدي كرم، محمد علي رزق، وتأليف أمين جمال، وإخراج وائل فرج