وجه الفنان تامر حسني رسالة للمطرب حسام حبيب، تحمل كلمات من الدعم، وطالبه فيها بعودته للساحة الفنية من جديد، وذلك بعدما وجه حبيب التهنئة لـ تامر ورامي صبري على أغنيتهما «فعلا مبيتنسيش» والتي تم طرحها مؤخرًا على موقع الفيديوهات «يوتيوب».

وكتب تامر حسني عبر حسابه الرسمي بموقع «انستجرام»: «طول عمرك محترم وإنسان، نضيف وفنان كبير، يلا ارجع، زي الأول وأكتر، ارجع متعنا بأغانيك الراقية الجميلة، والمزيكا الأجمل لأن ليك.. جمهور كبير بيستنى.. يلا يا حس، صفحة جديدة مع، مشوارك من النهاردة اوعدني ترجع تاني».

تهنئة حسام حبيب لـ تامر حسني ورامي صبري

وكان هنأ حسام حبيب رامي صبري وتامر حسني على أغنيتهما «فعلا مبيتنسيش»، وكتب عبر «انستجرام»: «أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، إخواتي وأصحابي، تامر أنت من زمان وأحلامك وأفكارك كانت دايما تخص جيلك ودائما كنت بتتكلم معانا من واحنا صغيرين باسم جيلنا مش باسم تامر، بس أنت حلمت لجيلك وعلشان كده أنا فعلا فهمت يعني إيه نجم الجيل، كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي: أنت النجم اللي حلم لجيله مش لنفسه ودلوقتي حلمك بيتحقق يا صاحبي».

أضاف: «والنجم الثاني أخويا صاحب أجمد صوت وإحساس، كان دايما بيقولي أنا بحلم وعندي هدف وهو كمان كان دائما مهتم إن إحنا كجيل لازم نشارك بعض ونقدم للناس حقيقة روح وفن الجيل ده، وكان بكل تواضع بيقول ده لكل فنانين جيله لحد ما التقوا النجمين اللي هدفهم صادق وطلعولنا إبداع مش بس في المزيكا لا والله في الروح والفكر».

تابع: «أنتم فرحتوني وأمتعتوني وخليتوني أفتخر إني من الجيل ده، اللي إن شاء الله عمر فنه وإبداعه ما هيخلص.. شكرا إنكم فتحتم نفسي ورجعتوني أحب المزيكا يمكن اكتر من الأول يا جيل جامد وجامد قوي كمان، أنتم فعلا متتنسوش».