قامت الإعلامية ياسمين عز بالتعليق على واقعة اصطدام الفنان نور خالد النبوى بـ محصل كهرباء أسفل محور 26 يوليو بمنطقة كرداسة، والتسبب في! إصابته ودخوله المستشفى، وحدوث اتفاق بين المصاب ونور النبوي على دفع مبلغ 150 ألف جنيه تكلفة علاج ورعاية لمدة 6 أشهر.

قال عز في برنامجها:" انا لازم أقول رأيي، كل ما يمكن شراؤه أو حله بالفلوس ندفعه، أسهل حاجة في الدنيا إذا الموضوع حله فلوس ندفعه، 150 ألف جنيه كلام فاضي ميجيبوش شنطة، بالنسبة لحد بيشتغل وهيقعد 6 شهور في بيته يعنوا له الكثير".

استكملت عز حديثها:" إحنا بنتكلم أنه دايما التقدير مهم سواء فنان أو إنسان بغض النظر مين خبط مين، أنا قولت الشخص المصاب طالب مليون جنيه ولا 10 مليون طلع طالب 150 ألف جنيه ده كلام فاضي، لو هيرضيه 150 ألف جنيه ياخدهم، اتكسرت رجله اتركب شرايح دخل مستشفى هيقعد 6 شهور ده ولا حاجة، يعني المبلغ ده يعتبر زكاة عن صحتنا، وكل ما يمكن حله بالفلوس يتحل طالما عندنا القدرة المادية".

أعلن محامي الضحية أنهم تقدموا ببلاغ ضد نور النبوي وطلبوا إجراء تحليل مخدرات له، خاصة بعد شهادة بعض الشهود أن تصرفات نور النبوي لم تكن متزنة، وسيطلبوا تفريغ الكاميرات في موقع الحادث، موجها رسالة إلى الفنان نور النبوي، "كنا نتوسم منك تصرف أفضل من كده ومستغربين تصرفك".