حلت الفنانة سلوى خطاب ضيفة ببرنامج حبر سري للإعلامية اسما ابراهيم و تحدثت حول موقفها من الزواج وحياتها الشخصية .أكدت الفنانة سلوى خطاب أهمية اعتناء المرأة بنفسها، قائلة: “المرأة يجب أن تهتم بصحتها وجمالها قبل أي شيء، لأن ذلك ينعكس على حالتها النفسية وقدرتها على العطاء، وأنا بحب الست اللي بتاخد بالها من نفسها، لو ماخدتش بالها من نفسها محدش هياخد باله منها”.تابعت خطاب قائلة: “فلوسك وصحتك هم الأساس.. أهم ما تملكه المرأة هو صحتها واستقلالها المادي، الست مالهاش غير فلوسها وصحتها.. كل حاجة تانية بتيجي وتروح، لكن دول الأساس”.علقت الفنانة سلوى خطاب، على موقفها من الزواج، مؤكدة:" مش عايزة أتجوز لمجرد الجواز.. مفيش ست متخانتش، أنا تعرضت للخيانة".تابعت خطاب حديثها:" أنا متعودة إن الراجل اللي معايا لازم يكون عنده فكر.. وفي وسط الزحمة والشغل، بنسى إن المفروض أتجوز”.ردا على سؤال عن سبب طلاقها، قالت سلوى خطاب: "السبب كان خوف على العلاقة دي، مكناش عايزين نوصل مرحلة الكره وكنا بنحب بعض، وكل ما نقابل بعض في نظرة احترام".يذكر أن سلوى خطاب تشارك في بطولة مسلسل "حكيم باشا"، و هو من بطولة النجم الكبير مصطفى شعبان ويشاركه في بطولتة كوكبة ونخبة كبيرة من النجوم وعلي رأسهم: النجمة سهر الصايغ، دينا فؤاد، رياض الخولي، سلوى خطاب، منذر رياحنة، ساره نور، محمد نجاتى، ميدو عادل، سلوى عثمان، أحمد فؤاد سليم وآخرون، و إنتاج شركة سينرچي للمنتج تامر مرسي.
