رحمة حسن عن العيادة المتسببة في تساقط شعرها: مش مسامحة الدكتورة المسئولة ولا هقبل اعتذار منهم
كتبت: ريهام محمد كشفت الفنانة رحمة حسن عن تواصل العيادة التي تسببت في تساقط شعرها معها لحل الأزمة التي حدثت.كتبت رحمة حسن عبر حسابها على Instagram: «العيادة اتواصلت معايا امبارح بعد ما نزلت البوست وأنا رديت عادي لأني شخص كويس ومحترم، هما قالولي آسفين أن ده حصل وعايزينك تيجي العيادة وهنكلمك بكره وكده، كلام بس علشان مشتكيش! وقالولي ليه مقولتيش قبل، قلت إني بعت بعدها بأقل من شهر قولتوا هتكلموني لكن محدش كلمني أو تواصل معايا».وتابعت: «الحقيقة إني عمري ما كنت هتعامل أبدا معاهم لأنهم معندهمش ضمير مهني أبدا بالنسبة للي حصل، أتمنى أن دا ميحصلش لحد تاني وأكيد بالنسبالي كل حاجة هتكون كويسة.واختتمت رحمة حسن كلامها: «بعتذر إني مش برد على صحافة أو قنوات أتمنى محدش يزعل ده مش جديد أنا ديما مش برد من زمان، المشاركة بتكون حب وتوعية وإحساس بالمسئولية، وبالنسبة للعيادة أنا مش مسمحاهم أبدا ولا هسامحهم هما أو الدكتورة المسئولة ولا هقبل اعتذار لأن اعتذارهم مش هيرجع شعري تاني في يوم وليلة».وكانت رحمة حسن حكت ما حدث معها قائلة: «دا شعري دا اللي بعانيه كل يوم من عامين، صحتي كويسة الحمد لله لكن قلبي مكسور وحاسه بالتوتر طول الوقت ومش عايزه أعمل أي حاجة، أنتوا م شعارفين أنا تعبانة قد إيه، حبيت أشارككم».
