كتبت :أميرة خالد
كشف الفنان أحمد بدير كواليس صلاته في المسجد الأقصى، حيث أكد أنها كانت أمنية له.
وأضاف في برنامج يحدث في مصر على قناة mbc مصر: «من 3 سنين، كان في جمعية فلسطينية وبتجيب رموز من كل دول العالم، ومن أربع سنين كلموني وقلت لهم إحنا الفنانين مفيش تطبيع والختم الإسرائيلي ميلوثش الباسبور بتاعي».
وتابع: «السنة اللي بعدها قالوا لي هنجيب لك وثيقة من السلطة الفلسطينية لوحدها ومن غير ختم، رحبت، وروحت فعلًا»
وأردف: «كان هدفي أشوف فلسطين وأصلي في المسجد الأقصى، ولكن قالوا لي التأشيرة للضفة بس، متدخلش جوه، فعملنا محاولة وكان فيه بنت هي اللي سايقة، فحاولنا ندخل وقفونا، شافوا التأشيرة ورفضوا دخولي».
واستطرد: «قلت للسائقة هبقى تعيس جدًا لو مرحتش، فراحت على معبر تاني وبعدين وقفت شوية، فشافت عربية داخلة، قامت داخلة وراها على طول، وصليت في الأقصى وروحت الحرم الإبراهيمي.. بس شوفت المعاناة اللي هما بيعانوها».
أحدث التعليقات