كتبت: أميرة خالد
في رد فعل عاطفي مليء بالدموع، عبّرت الإعلامية دنيا صلاح عبد الله، ابنة الفنان القدير صلاح عبد الله، عن استيائها من تعليق أحد متابعيها الذي وصفها بأنها من “أبناء العاملين”، ملمحًا إلى أن نجاحها في مجال الإعلام يعود إلى شهرة والدها.
نشرت دنيا صلاح عبدالله مقطع فيديو عبر حسابها الشخصي بإنستجرام ، قائلة:” الأخ اللطيف اللي كتبلي تعليق أبناء عاملين، أنا تصالحت مع النوعية دي من التعليقات من زمان، لكن جايلي في وقت مضغوطة فيه جدًا فاتضايقت”.
ظهر التأثر عليها و استطردت حديثها قائلة:” أتمنى من الله أن يضعك في مكاني، وأن تمر بكل ما مررت به من تجارب صعبة، أنا بشتغل من تانية جامعة، وبجتهد وبسعى بكل جهد لأحقق رضاي عن نفسي”.
اختتمت دنيا قائلة: “أنا مش هكمل كلامي، أنا أصلا غلطانة أني رديت ومفيش حد في الدنيا يستاهل إني أبرر له أي حاجة، وأنا مش فاضية كمان مش فاضية أني أركز في الكلام ده لأني مشغولة بحاجات كتيرة أوي، مشغولة بأني واحدة بشتغل من وأنا في تانية جامعة بسعى وبجتهد وبذاكر وبدرس وبدق البيبان وبعمل كل حاجة يقدرني عليها ربنا علشان أبقى إنسانة ناجحة وأبقى راضية عن نفسي ومش فاضية فعلا للكلام ده”.
أحدث التعليقات