كتبت : مريم يعقوب
أثارت أسما شريف منير حالة من الجدل الواسع بعد ظهورها الصادم في مهرجان القاهرة للدراما في دروته الثانية التي أقيمت في العلمين.
وظهرت أسما شريف منير بحلاقة شعرها على الزيرو وهو الأمر، الذى تسبب في غضب وهجوم شرس عليها من جانب متابعيها وجمهورها حيث ظلت حديث الرأي العام على مدار ثلاث أيام متواصلة.
رد الفنان شريف منير على جميع الانتقادات التى طالت ابنته في الساعات القليلة الماضية واكد على دعمه لابنته أسما، عقب قيامها بحلق شعرها في فيديو نشرته على السوشيال ميديا، حيث قام شريف منير بعمل فيديو و نشره عبر حسابه بانستجرام قائلا فيه: “إيه الضجة والدوشة اللي إنتو عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة”.
استطرد منير حديثه قائلا: “اوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي ، قبل الإخوة السادة الملايكة الصالحين، اللي عمالين يقلوا أدبهم ويشتموا، ويقولوا بتاخد تريند وأبوها معرِفش يربيها، أنا بنتي متربية كويس جدا، وبتتصرف باللي هي حاسة بيه، المهم إنها مش بتؤذي حد، وقبل ما تتكلموا بصوا على نفسكو وعلى ولادكو وإخواتكو قبل ما تنتقدوا وتغلطوا”.
يذكر أن آخر أعمال الفنان شريف منير بتقديمه في السينما كان فيلم يوم 13 الذي عرض في عيد الفطر هذا العام و شاركه البطولة أحمد داوود و دينا الشربيني و الفيلم كان من تأليف و اخراج وائل عبد الله، و أخر عمل قام بتقديمه في الدراما التليفزيونية مسلسل ايجار قديم الذي تم عرضه في نهاية العام الماضي و شاركه البطولة كل من محمد الشرنوبي و صلاح عبد الله و ميمي جمال و بسمة داوود و المسلسل كان من تأليف عمرو الدالي و من اخراج طارق رفعت .
أحدث التعليقات