كتبت : مريم يعقوب
كشفت الفنانة غادة عبدالرازق أن أهم ما جذبها لشخصية «عايدة» في مسلسل صيد العقارب أنها شخصية جديدة، وأنها تحمل في جنباتها ملامح كثيرة منها، قائلة: «شخصية جديدة عليَّ فيها ملامح مني، كنت دائمًا بحاول أثبت لأهلي وأبويا إني أقدر أعمل أي حاجة، وإن مش معنى إني ست إن الراجل يبقى أحسن مني، ولقيت فيّ كتير جدًا من شخصية عايدة».
وعن طيبة الشخصية قالت الفنانة: «الطيبة ملهاش علاقة بالشخصية القويَّة، حسبة الناس في الحتة دي غلط».
وأضافت عبدالرازق خلال لقاء عبر برنامج «كلمة أخيرة» الذي تقدمه الاعلامية لميس الحديدي على شاشة ON: «لا توجد علاقة بين طيبة الشخصية وقتها قائلة: فيه ناس بتخلط كتير في الحتة دي مش معنى أن الشخصية طيبة ولها شخصيتها، وإحترامها وكيانها وأن يكون لها قرار وتستطيع أن تقود بيت وعيلة وبنت وأحفاد يفكروا في المقابل أن لازم تبقى الشخصية دي شريرة ومعندهاش قلب ومش بتعرض تعيط وده غلط وخلط في الاوراق مع الست».
وتابعت: «أنا مش عايزة الجانب الواحد بس عاوزة الناس تشوف غادة عبدالرازق في شخصيات كتيرة كممثلة أحب أتشاف في أدوار وشخصيات كتيرة وانا مش معقول كل ما أطلع في دور هيبقى الشخصية القوية اللي بتكسر كل اللي حواليها».
وأكملت: «بس دي هي نوعية الاعمال والادوار التي حققت نجاح، بما فيها صيد العقارب بتلفي وترجعي لنفس طبيعة الشخصيات والناس بتحبك في ده؟ لتجيب قائلة :» بيحبوني في الشخصيات دي لاني على المستوى الحقيقي بتكسر وبرجع أققوم تاني بس الناس مش بتشوفني كده في حياتي الشخصية وأنا مكسورة وبرجع اققوم تاني وأنا لاأظهر ده».
أحدث التعليقات