كتبت: إيمان حسانين

شكلت وفاة الشاعر أحمد علي موسى صدمة كبيرة للوسط الفني، خاصة أنها كانت وفاة مفاجئة.

وكشف الشاعر صلاح عطية عن تفاصيل اللحظات الأخيرة في حياة أحمد علي موسى، وقال لـFilFan.com: «أحمد كان السنة اللي فاتت عنده مشاكل في القلب، وامبارح الساعة 3 الفجر كان بيلعب كورة وحصل كرشه نفس، زمايله اللي معاه قالوا نروح المستشفى لكن هو طلب أنه يروح البيت وأتوفى في بيته».

وتابع متحدثا عن الشاعر الراحل احمد علي موسى: «أحمد كانت سمعته طيبة جدا وعمره ما دخل في صراعات أو مشاكل، من أول ما بدأ مع أغنية «تملي معاك» وقتها كان تحت السن ووالده اللي عمل التنازل عن الأغنية، طول الفترة دي مفيش مشاكل ليه ربنا يرحمه ويجعل مثواه الجنة».

وسيقام عزاء الشاعر أحمد علي موسى غدا السبت، من مسجد الشرطة في الشيخ زايد.

وشيعت جنازة أحمد علي موسى من مسجد السيدة نفيسة عقب صلاة الجمعة، والدفن في مقابر السيدة نفيسة.

وكان آخر ما كتبه الشاعر أحمد علي موسى قبل ساعات من وفاته، هو إحياء لذكرى رحيل والدته وقال: «زي النهارده كان أسوأ يوم في حياتي، اليوم اللي فارقتني فيه روحي، ومن بعد اليوم ده أنا بالاسم بس بعيش.. الله يرحمك يا ست الكل، ويجمعني بيكي على خير، الرجاء الدعاء وقراءة الفاتحة فضلا وليس أمرا».

من أشهر أعمال أحمد علي موسى أغنية «تملي معاك» لعمرو دياب وأغنية «عاشق سحر عينيك» لفارس، وأغنية «جات تصالحني» لمصطفى قمر، وأغنية «يا دايرة» لعمرو مصطفى، وأغنية «من أول عمري» لفضل شاكر وأغنية غمضت عيني» لرامي صبري، وأغنية «بناء على رغباتك» لأصالة.