كتبت : مريم يعقوب
رد رجل الأعمال هشام ربيع على تصريحات طليقته الفنانة بوسي
في إحدى البرامج الشهيرة قائلاً:” اكتشفت حاجات غريبة أوى، وهي إن الست دي كانت متجوزة قبلي اتنين وأنا معرفش، اللى كنت أعرفه فطين اللى هو وليد أبو ياسين، التانى اللى في النص ده أنا معرفوش، بدأت حياتها معايا بكذب إن هي كانت متجوزة قبلي ومقلتش ليا، حتى أنا قلتلها إزاى يا بوسي نحط إيدينا في إيدين بعض وإحنا جواز على سنة لله وروسوله وفرح وعيلة محترمة وأسرة ونسب، وفي الآخر إنتي متجوزة قبلي ومقولتيش ليا طبعا مكنش ليها رد لأن كان الموضوع اتعرف.”.
استطرد ربيع حديثه:” كل الردود بتاعتها عبارة عن كذب، وأنا بصراحة مقدرتش أسكت، كنت لازم أدخل، وأوضح لكل الناس وبالذات أصحابي وأهلي أن الست دي كلامها كذب وبتتنفس كذب، و ذلك حين سألتها الأعلامية القديره سؤال واضح وصريح سبب الانفصال بينكم إيه، فردت بوسي قالت :”لها أصل الناس كانت بتقوله كلام في ودنه وكلام كده لا يعقل يعني”.
استكمل هشام قائلا:” أنا بعرفكم وبقولكم الحقيقة طلقت بوسي لأن دخلت بسببها السجن 4 شهور ودفعت عشانها ملايين وخلصتها من تشكيل عصابي مكون من طليقها الله يرحمه ويسامحه وعيلته وخليتها حرة اللهم لك الحمد، وفي الآخر الست دي مجتش زارتني خلال الـ 4 شهور وفي كشوفات في السجن تثبت ده عشان هي بتكذب كتير خرجت من السجن بتتهرب مني وقافلة باب البيت ومش عايزة تقابلني، وده اللى جاب ليا صاعقة ولاقيت نفسي هتجنن”.
أحدث التعليقات