كتبت:مريم يعقوب
نشرت مراسلة قناة Dmc أميمة بدري استغاثة تطلب فيها المساعدة عبر صفحتها على Facebook وعلقت قائلة: “أنا محتاجة حد يساعدني ارجوكم أنا فجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي انا خايفه ومش عارفه اعمل ايه انا تعبانه جدا ومش قادرة انا مخضوضه من اللي حصلي”.
كما وجهت الشكر إلى جمهورها وطلبت الدعاء لها، حيث نشرت صورة للتحاليل التي أجرتها وكتبت: “الحمد لله رب العالمين على كل حاجة حصلت ليا، أنا بكتب وانا مش قادرة لاطمنكم أنا روحت المستشفى وعملت الأشعة المقطعية على المخ”.
وأستكملت قائلة : “الحمد لله مفيش جلطة بس للاسف فقدت النطق بسبب إني زعلت جامد أدعولي دعوة صادقة، أنا محتاجة لدعواتكم وشكرا لكل اللي بيكلمني بس حرفيا مش قادرة من الصدمة”.
“أنا دكتور كتبلي أدوية وقالي لازم ارتاح تمامًا وخلال 3 أيام لو مش اتحسنت ورجعت اتكلم هتابع مع دكتور أعصاب واعمل جلسات كهرباء لأعرف أتحسن ادعولي اعرف انطق تاني وأرجع لحياتي”.
واختتمت قائلة : “أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفى دعواتكم، واللي يعرف الأدوية دي تمام ولا حد يقولي أعمل إيه لأن أنا قلقانة”.
وظهرت أميمة بدري، في فيديو لها تحاول التحدث بصعوبة شديدة
وقالت أميمة بدري: “أنا تمام بس ادعولي، أنا مش عارفة أتكلم، وتبيّن على ملامح وجهها البكاء الشديد خلال محاولتها التحدث”.
أحدث التعليقات