وخلال لقائها في برنامج “الراديو بيضحك” من تقديم فاطمة مصطفى عبر إذاعة “الراديو 9090” قالت إلهام شاهين: “أنا عملت كل حاجة في وقت واحد، أنا يا أعمل كله يا معملش حاجة خالص، أخدت حقن تخسيس ودا مش صح أن الواحد ياخد حقن سكر عشان يخس والمفروض تكون فترة وأنا طولت وبقول أن ده مش صح، عشان محدش يقلدني”.

وتابعت إلهام شاهين: “كل الأدوية اللي بتسد النفس كل ما أسافر بلد وألاقي دواء مكتوب عليه أنه بيخسس أجيبه، أخذت أدوية كتير تعبتني، كنت بروح لدكتور بيعمل أجهزة على الجسم تساعد على شد الجسم، ومكنتش باكل خالص الأدوية دي مش كويسة الواحد لو عنده إرادة وينظم نفسه هيخس”.

وأكملت إلهام شاهين: “الطريقة الصحية أنك تقلل في الأكل، تاكل كل حاجة بكميات قليلة وتعمل رياضة، لكن اللي عملته مش طريقة صحية”.


وكانت إلهام شاهين ظهرت الفترة الماضية بخسارة وزن واضحة وقالت عن سبب ذلك: “الحقيقة البداية الدكتور طلب مني أني أخس كان عندي مشكلة في الركبة ولما بلبس كعب عالي جسمي تقيل على ركبتي، الدكتور قالي لازم نخف الحمل على الركبة، الحكاية بدأت معايا بألم مضطرة أخس عشان الألم دا يروح”.

وتابعت: “أنا لقيت الشكل أجمل كتير والناس بتشوفني بتقولي برافو عليكي واستمري، كان ريجيم قاسي وكان بيساعدني الأدوية اللي بتسد النفس وتقريبا مكنتش باكل خالص بس دا مش صح لازم الواحد يخس في وقت أطول غير لما يخس بسرعة بتعب”.

وكانت إلهام شاهين ظهرت مؤخرا بوزن أقل مما اعتاد عليه جمهورها في السنوات الأخيرة، وأثارت الجدل بسبب ظهورها بهذا الشكل، وأكدت بعدها أنها اكتسبت وزن بسبب الحسد بعد خسارتها للوزن.