كتبت: مريم يعقوب

حرص السيناريست تامر حبيب، على توجيه رسالة لصناع مسلسل «بدون سابق إنذار» بمنشور عبر صفحته الرسمية
بالفيسبوك.

قال السيناريست تامر حبيب: :«بدون سابق إنذار ومن أول حلقة، قدرتوا وببساطة وسلاسة تخلوني أصدقكم وأتعاطف معكم، وبمجرد ما إديتلكم صباعي، كلتوا دراعي، أو بالأحرى كلتوني كلي، بقيت واحد منكم، شايل همكم قدكم وساعات أكثر منكم.. محتاس حوستكم ومتلخبط لخبطتكم.. عايز أعرف عشان أرتاح وأنا عارف إني لو عرفت مش هارتاح.. خايف على عمر من رد فعلكم أكثر من خوفي عليه من المرض، بس متطمن إنكم بتحبوه ايًا كان المستخبي، وفي نفس الوقت حالة التخبط وعدم الاتزان والتوتر المرضي إللي إنتو فيه قلقاني عليكم وعلى الولد».

استكمل «حبيب»: «أما عن عمر حبيبي، الولد ده ممثل عظيم، فاهم ومستوعب ومسيطر على أبعاد شخصيته وأحوالها، ولا عمره خرج من الشخصية لحظة واحدة، ولا فقد تصديقه للدور اللي بيشخصه، وبالتالي صدقناه بكل حواسنا وبقينا حاسين كلنا إنه ابننا.. ماتخافش يا عُمَريكو هالتخف، وهاتبقي كويس وتاكل تشيز كيك وترجع المدرسة وتعمل كل اللي نفسك فيه، وعمر بابا وماما ما هايتخلوا عنك،والنبي يا صحابي وزمايلي الحلوين قوي اللي قدام وورا الكاميرا ما توجعوا قلبي قوي عشان على قد ما أنا ممنون لكم، على قد ما أنا قلقان من إبداعكم وواقعيتكم دول».

عرف أن مسلسل بدون سابق إنذار بطولة آسر ياسين، عائشة بن أحمد، أحمد خالد صالح، إسلام حافظ، جهاد حسام، أحمد على ماهر، نهال عنبر، حنان سليمان، وعدد آخر من الفنانين، والعمل قصة ومعالجة درامية ألمى كفارنة وسيناريو وحوار كل من عمار صبرى وسمر طاهر وكريم الدليل، وإخراج هانى خليفة.