كتبت: أميرة خالد

كشفت الفنانة الشابة ليلى أحمد زاهر عن موعد زفافها على المنتج الفني هشام جمال، وذلك خلال استضافتها في إحدى البرامج .

صرحت الفنانة ليلى زاهر قائلة :” هشام جمال راجل، ويمكن لو حد تاني غيره بابا مكنش هيتقبل الموضوع بالطريقة دي، أنا كان عندي فكرة أن بابا عمره ما هيجوزني، ولكن هشام أتكلم مع بابا وخرجني من الموضوع خالص، وهو دايما يشجعني ومبسوط بنجاحي وشه حلو عليا”.

قالت زاهر :” الفرح لسه متحددش ولكن هيكون قريب إن شاء الله”.

تألقت ليلى أحمد زاهر في مسلسل أعلى نسبة مشاهدة الذي عُرض في النصف الأول من شهر رمضان وهو من بطولة سلمى أبو ضيف، إسلام علي، محمد محمود، انتصار، إنعام سالوسة.

طرحت الفنانة ليلي أحمد زاهر، فيديو كليب «كلمة أخيرة» عبر موقع الفيديوهات يوتيوب، والأغنية من كلمات محمد حسن، وألحان وتوزيع إسلام زكى، وتقول كلماتها:

أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا

و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها

أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم

ولا حد قرب منها
ولا حد حاول يبقى ليه أصلا مكان

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا

حكايات وعود مين اللى قال
مش برضه كان إحنا
لو كان راحتنا ف الفراق
ده ياريته ريحنا

شكرآ عشان بإيديك قطعت علاقتي بيك
مستغربه إزاى ف يوم وقفت حياتي عليك.