كتبت: مريم يعقوب

حلت الفنانة هنا الزاهد ضيفة على إحدى البرامج الاذاعيه ، حيث تحدثت عن علاقتها حالياً بطليقها الفنان أحمد فهمي قائلة:””مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة خمس سنين وهو شخص محترم جداً، ومفيش أي ضغينة،ومش شايله هم أشوفه وشوفنا بعض في “جوي أوردز” وسلّمنا على بعض وهو دلوقتي صديق وزميل في المهنة وده عشرة طويلة، وأي حد بيجيب سيرة أي حد تبعه أو هو بحط إيدي في عينه”.

استطردت هنا حديثها: “الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جداً عشان فيه عشرة والحياة مكمّلة ولازم تقفي والحمد لله أنا تمام وهو مبسوط جداً وإحنا أصحاب.. فيه ناس بتبقى متضايقة، والحياة قصيرة جداً لازم تشوفي حياتك، ولو عايزة أي حاجة هكلّمه، ولو هو عايز أي حاجة هيكلّمني وإحنا أصحاب في الآخر”.

يذكر أن هنا الزاهر أعلنت في نوفمبر الماضي انفصالها عن أحمد فهمي، من خلال رسالة عبر صفحتها الرسمية بموقع التواصل الاجتماعي إنستجرام قالت فيها: “الحمد الله تم الانفصال بينين وبين أحمد بعد 4 سنين جواز وربنا يكتب لكل واحد فينا الخير”.

تنتظر هنا الزاهد عرض فيلمها القادم “فاصل من اللحظات اللذيذة” في موسم عيد الفطر، وتشارك في بطولته مع النجم هشام ماجد، تدور أحداث الفيلم في إطار كوميدي.

عرف أن الفيلم من إخراج أحمد الجندي، وتأليف شريف نجيب، وإنتاج أحمد السبكي.