صرح المنتج أحمد الزواوي و ذلك أثناء استضافته في أحدى البرامج الشهيرة خلافه مع الفنانه فيفي عبدة
تطاول المنتج احمد الزواوي في رسالة قام بارسالها للفنانة فيفي عبدة بيطالبها برد مستحقاته الماليه التي تبلغ ١٠ آلف دولار اي ما يعادل نصف مليون جنيه منذ سنة ٢٠١٧ مؤكدا انه استعان بالسحر و الدجل لاستعادة امواله منها .
استكمل حديثه للمذيعه قائلا: انا عايز حد يديني حل غير القانون، القانون ده خلاص مرحلة و عدت إنتوا كده عايزين تقولوا ان فيفي عبدة اقوى من القانون و النقابة، أنا اتاذيت اكتر منها و كلنا بنمرض و بنقوم بامر الله، و القانون قال ده تعاقد مش سرقة، و هي ليه مترجعش فلوس؟.
انفعلت الاعلامية و قامت بالرد عليه قائله:مفيش حد اقوى من القانون ،و انت كده بتغلط في قانون بلدنا،الاختلاف بيحصل بين اي حد و في وقتها نتكلم براحة و نشوف وسائط و نروح النقابة للدكتور اشرف زكي الراجل المحترم،مش تروح تعمل لها عمل انها تقعد في السرير و تمرض.
قام المنتج بمقاطعة الاعلامية قائلا: علني بقولها لو مرجعتيش فلوسي متزعلش و ربنا اللي اعلم هعمل فيها ايه و كله بامر ربنا، واللي زعلان عليها يا يدفع عنها يا يقولها رجعي الفلوس،و ميشغلنيش الجمهور في شئ هو بيأكلني ولا بيشربني الجمهور ؟ واللي معترض يطلع و يحل.
واسترد قائلا: لو جالي ١٠ الاف دولار ،بامر الله ترجع زي الفل، انا مطلبتش حاجة غير حقي و لا بطلب تعويض ،و لا قولت هاتي فلوس علشان افكك، انا عايز حقي ،القانون خد مرحلته معايا، و حقي هيجي امتى لما اموت؟ هعمل اي مقابل ان ارجع حقي.
انفعلت الاعلامية و غضبت و قامت بإنهاء حوارها معه قائله: انت كده تعديت القانون و احنا في دولة قانون،و لو انت حقيقي ليك حق القانون هيرجعهولك، انا بحترم الدولة اللي انا فيها و القانون، و النهاردة لما اختلف مع حد ارو اعمله اعمال و امرضه و اقعده في السرير؟
ازاي تتهم الجمهور انه بيساند فيفي عبده بدون وجه حق؟هو الجمهور يعرف ايه غير انها فنانة محبوبة؟و القانون هو اللي هيتعامل معاك.
أحدث التعليقات