كتبت: أميرة خالد

 

كشف النجم أحمد العوضي عن أول صورة له من مسلسله لموسم رمضان 2024، الذي يحمل اسم “حق عرب”.

ونشر أحمد العوضي عبر حسابه في موقع التواصل الاجتماعي إنستجرام صورة له من العمل، ظهر فيها بنظرة حادة وجرح في العين والأنف.

وكتب أحمد العوضي مشوقا جمهوره للمسلسل: “حق عرب. رمضان ان شاء الله مسلسل يليق بكل اخواتي ان شاء الله”.

ويأتي ذلك بعد وقت قصير من قيام أحمد العوضي بطمأنة جمهوره على حالته الصحية، وذلك عقب تعرضه لوعكة استدعت علاجه بأحد المستشفيات.

وقال العوضي في تسجيل صوتي لبرنامج ET بالعربي: “أنا بطمن كل اخواتي وحبايبي وانا بخير ومش عايز حد يقلق وانا خرجت من المستشفى انهاردة”.

وأضاف: “و نازل اصور يوم السبت وارجع التمرين وكل حاجة تمام فالحمدالله والف شكر لكل الناس اللي سألت عليا وبإذن الله نقدم مسلسل جامد يليق بيكم كلكم ألف شكر”.

كان أحمد العوضي كشف عن تفاصيل الوعكة الصحية التي تعرض لها خلال مداخلة مع الإعلامي شريف عامر في برنامج “يحدث في مصر” عبر قناة MBC مصر قائلا: “الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه”.

وأضاف العوضي: “وقلت أنا هتمرن وأشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكره”.

وعن زيارة النجمة ياسمين عبد العزيز له في المستشفى، قال العوضي: “أنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا”.

وأكمل أحمد العوضي: “ياسمين أول ما سمعت إني دخلت المسشتفى وجالي التهاب في الشعب الهوائية رغم إننا متطلقين، بعتتلي قالتلي أنت كويس؟ والمفروض هروح، وهي أول واحدة قولتلها وأنا روحت المستشفى لقيت ياسمين داخلة عليا وبتطمن ومسابتنيش لحظة وده مش جديد عليها أنا حبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم بينى وبين ياسمين عبد العزيز كل احترام”.