ويزو: كنت تخينة أوي أتولدت ووزني 7 كيلو وأمي رضعتني 3 سنين
كتبت: ريهام محمد حكت الفنانة ويزو عن طفولتها وقالت إنها في عائلتها منذ صغرها ووزنها زائد.وقالت ويزو خلال لقائها في برنامج «ضيفي مع» من تقديم معتز الدمرداش: «من وأنا صغيرة تخينة مولودة 7 كيلو وأمي رضعتني 3 سنين وكان عندي «فتق سري» ومتعالجش، أنا من الأطفال اللي حجمهم كان كبير، أبويا كان بيقولي لما كان بيشلني يقول لأمي أنتي مخلفالنا شوال مكنش بيعرف يشيلني، كنت تخينة أوي».وتابعت ويزو: «أنا بس في العيلة اللي وزني كتير، أنا حاليا 130 لكن الأول كان عشان الحمل والولادة زدت 50 أو 60 كيلو، أبقى حامل وأنا 150 كيلو ألاقي نفسي 180 كيلو وبفضل أقنع نفسي أن دي مايه ماليه الجسم وهتنزل».وأضافت ويزو: «أنا بحب الأكل بطريقة مش طبيعية، بس بقالي سنة وشوية بحاول أمنع نفسي عن الحلويات عشان ينزل وزني شوية».وكانت ويزو أثارت جدلا الفترة الماضية بعد انتشار صور لها ظهرت فيها بخسارة وزن واضحة وقال البعض إنها أجرت عملية تكميم.
