محمود سعد: يطمئن الجمهور على أنغام وهتخرج من المستشفى خلال أيام
يتواصل الإعلامي محمود سعد يوميا مع الفنانة أنغام ونجلها عمر للاطمئنان على صحتها حتى يطمئن جمهورها عليها ويرد على الأخبار الكاذبة التي تنتشر عنها.وطمأن محمود سعد الجمهور على صحة أنغام وأكد أنها في تحسن مستمر وستخرج من المستشفى قريبا وتطمئن الجمهور بنفسها.وقال محمود سعد في فيديو عبر قناته على YouTube: «أنغام كويسة جدا الحمد لله وبتتحسن كل يوم عن اليوم اللي قبله عملية صعبة وكبيرة ودقيقة يمكن الدكاترة مقالوش لأنغام كل متاعب العملية بعد ما تحصل عشان متحملش الهم لكن كلها متاعب معروفة ومتوقعة، وكل الكلام اللي بيتقال عن العزل كلام لا علاقة له بالحقيقة على الإطلاق، معرفش متسرب منين، أنا بقول لكم الخبر الدقيق، المشوار مش بسيط ومش يوم ولا اتنين هياخد معاها وقت ولو قريتوا في النت عن نوع العملية دي هتلاقوها كبيرة، هي في تحسن وتعاملها مع الحياة كل يوم أفضل، وإن شاء الله أيام ويزول كل أثر العملية وتطلع لكم وتكلمكم وأرجو من زملائي الصحفيين أن دا الخبر الدقيق أن أنغام مفيش عزل زي ما بيقولوا ومحصلش، هي مش عاملة نقل أعضاء عشان تتعزل؟، هي استئصلت الكيس اللي على البنكرياس وجزء من البنكرياس عشان الأمر ينتهي تماما ولا يعود».
