كتبت: هاجر محمود
كشفت الفنانة هند عبدالحليم، عن تعرضها لأزمة صحية، خلال الفترة الماضية، دخلت بسببها إلى المستشفى.
وظهرت «هند»، في فيديو نشرته عبر حسابها، على Instagram ووجهت الشكر لكل من سأل عنها، كما وجهت نصائح للجمهور.
وقالت الفنانة هند: “أول حاجة عايزة أشكر كل الناس اللي كانت بتسأل عليا، سواء بعتتلي أو كلمتني أو كانت بتحاول تكلمني، وتوصلي وبعتذر جدا لو مكنتش قادرة إني أرد بسبب التعب اللي كنت فيه، وشكرا لكل حد دعالي ولكل حد زارني شكرا جدا جدا أنا الحمد لله دلوقتي أحسن وبتحسن”.
وتابعت هند عبدالحليم: “تاني حاجة عايزة أقولها، يمكن أقدر أفيد أي حد، اللي حصلي ده بسبب حقن التخسيس مطولتش فيها خالص، أخدت شهر وأسبوع تقريبا تعبت جداً، ودخلت المستشفى، وحصلي شلل مؤقت في المعدة، أدى إلى إني مكنتش عارفة أكل ولا أشرب، وألم رهيب وكنت قاعدة على المحاليل، نصيحتي لو أي حد عايز يعمل كده لازم تتابعوا مع دكاترة، وتعملوا التحاليل اللازمة عشان تشوفوا لو جسمكم هيسحتمل، ويبقى قابل لده أو لأ، بس كده”.
يذكر أن هند عبدالحليم شاركت في رمضان 2024 بمسلسل “أعلى نسبة مشاهدة” الذي تكون من 16 حلقة وعرض في النصف الأول من الشهر الكريم عبر قنوات mbc ومنصة شاهد.
مسلسل “أعلى نسبة مشاهدة” بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.
كما قدمت هند عبدالحليم، المسلسل الإذاعي “غير صالح للنشر” عبر إذاعة إنرجي.
مسلسل “غير صالح للنشر” تأليف أحمد محارب ومحمد محارب من إخراج زهرة رامي بطولة محمد سلام وهند عبد الحليم ومحمد أوتاكا ومروان يونس ومحمد عبده وفاتن واصل ودوجلاس ورنا خطاب ومحمد مبروك يوركا ومعتصم شعبان.
أحدث التعليقات