لأول مرة هاني سلامة يكشف سبب ابتعاده عن السينما

وقال هاني سلامة خلال دورة مهرجان الغردقة لسينما الشباب المقامة حاليا: «الإنتاج السينمائي الفترة دي ضعيف جدا، وأطلب من الدولة أن تهتم بالسينما وان تدعمها، وليس فقط الانتاج الدرامي، والسينما هيا اصل الحكاية».

وأضاف: «طول الوقت بنقول احنا هوليوود الشرق، عايزين نستمرنبقى كده فعلا، نفسي إن الجملة دي تبقى موجودة مش تبدأ تتلاشى، بقيت أشعر بذلك مؤخرا، ودي حاجه محزنة جدا، مش عايزين طول الوقت تنكون متعايشين على الماضي، يوجد حاضر ومستقبل وطموحات بأن نعمل أدوار مختلفة ومتنوعة، وننشر تقافتنا، مثلما كنا نفعل من وقت قريب».

وتابع: «أتمنى الدولة تساعد وتدعم السينما، لأن يمكن، زي ماكلنا عارفين انه من الحاجات القليلة اللي مصر بتصدرها تصدرها هيا الفن، ومنها السينما بشكل خاص، السينما نقدر أن نوصل بها كل شئ، وليس على الصعيد التجاري فقط، نقدر أن نوصل من خلال السينما حاجات كتير زي هوليوود وتركيا، المفروض نكون في مكان أكبر وأوسع«.

كما تحدث هاني سلامة عن سبب ابتعاده عن السينما قائلا: ««مبتعد عن السينما من وقت الثورة، والجميع عارف الظروف».