وصف الموسيقار هاني فرحات في تصريحات خاصة السوشيال ميديا بأنها تشبه الحفرة، موضحاً:” مبحاولش أدخل الحفرة دي لإن ليها جانب إنساني صعب شوية.. ممكن حد يقولك تعليق مش مرتكز على حاجة حقيقية أو حد يسمعك كلمتين ملهمش أي لازمة ولا أنا أستاهلهم”.
وتابع فرحات حديثه قائلاً: “عشان كده بقول إن السوشيال ميديا ليها جانب أسود، والناس نفسيتها صعبة وممكن تقولك كلام صعب.. أنا بعيد خالص عنها، ومبحبش أطلع أوضح وأنا من الناس اللي مقتنعة إن الرد على الإشاعة بيكبرها، ولما تتجاهلها بتموت”.
يعتبر هاني فرحات من أهم وأشهر الموسيقيين في الوسط الفني، وتعاون مع كبار النجوم بينهم الهضبة عمرو دياب وأنغام وشيرين عبدالوهاب ومحمد عبده.
صرح هاني فرحات في عن تعاونه مع الفنانة سميرة سعيد إنها تقدم أعمال صعبة جدا موضحا:” مش أي حد يعرف يغني لسميرة سعيد.. ولما حد من برامج المواهب بيختار يغني ليها بيلبس في الحيطة، سميرة سعيد في كوكب تاني خالص وطول عمرها عندها فكر.. ووصلت للنجومية وحب الناس ومش ناقصها أي حاجة”.
تحدث هاني فرحات عن مسيرة أصالة قائلا:” هي شخصية عظيمة ومن أكتر الناس محترمة وبتقدر الفنانين والموهوبين.. ومش ناقصها أي حاجة في الدنيا غير إنها تغنى”.
تطرق المايسترو هاني فرحات إلى الحديث عن الفنانة شيرين عبد الوهاب قائلا:” انا اشتغلت معاها من أول ألبوم تامر وشيرين.. أغنية بحبك أوي.. وهي من أول الناس اللي سمعتها وانبهرت بموهبتها”.
ووجه فرحات رسالة إلى شيرين عبد الوهاب قائلا:” أرجوكي يا شيرين غني.. الوقت اللي بيضيع من حياتك وانت مبتغنيش هتندمي عليه ندم عظيم.. انتي في قلب كل مصري”.
أحدث التعليقات