كتبت: مريم يعقوب

تقدّم الملحن الكبير حسن دنيا ببلاغ ضد عدد من مطربي المهرجانات، أبرزهم مسلم ونور التوت وحمو طيخا وفيلو، بسبب استخدامهم أحد ألحانه ودمجها في مهرجان شعبي، من دون الحصول على حقوق ملكيتها.
كشف دنيا تفاصيل بلاغه قائلاً: “فيه قضية رفعتها على كل مطربي المهرجانات اللي سرقوا اللحن، ومش هتنازل عنها غير لما آخد حقي منهم آدمياً ومادياً ويشوفوا هما كسبوا قد إيه، هيتوقفوا عن العمل لو محلّوش الموضوع، نقيب المهن الموسيقية مصطفى كامل هيلغي ليهم التصاريح، تواصل حد منهم معايا وقال لي اللي تؤمر بيه، وكل شويه يتحججوا بحجج غريبة وبيعملوا ملايين من الأغنية وأنا ولا حاجة”.

اختتم حسن دنيا بلاغه بالقول: “مسلم عامل نفس اللحن في أغنية وجايب 24 مليون مشاهدة، وديجيتال كمان ودا نوع غالي في الربح ودا اللي بيجيب فلوس ليهم ودا واحد بس منهم، أساميهم اللي مشهورين بيها دي مش أسمائهم الحقيقية وجبنا أساميهم الحقيقية واترفع عليهم قضية بكل ده”.


تقدم المحامي سامح قناوي ببلاغ يتهم فيه مطرب المهرجانات مسلم، ونور التوت، بسرقة لحن أغنية أول حياتي، ووضع عليها كلمات تشكل جريمة مكتملة الأركان للحياء العام والتلفظ بكلمات لا تليق بالمجتمع، وعدم خضوع كلمات الأغنية للمصنفات المصرية قبل طرحها على المستمعين مما يهدد الذوق العام للمجتمع المصري والآداب العامة، ويشكل خطرا على أبناء المجتمع المصري.
اتهم المحامي بصفته وكيل الملحن حسن دنيا في بلاغ رقم 707652 صناع مهرجان أنا قلبي عايز صرخة إسلام كابونجا- فيلو- نور التوت- مسلم- حمو الطيخا وشركة للإنتاج الفني بسرقة ألحان موكله دون إذن منه، وصناعة محتوى غنائي لا يليق بالآداب العامة والذوق العام للمجتمع المصري بما يسئ للفن المصري والعربي واستغلال نجاح أغنيه أول حياتي يا ما، وهي من ألحان موكله للوصول إلى أعلى مشاهدة على القناة الخاصة بهم على اليوتيوب.